top of page

Փաստաբան Երվանդ Վարոսյանի հայտարարությունը


Երվանդ Վարոսյան

ՀԽՍՀ արվեստի վաստակավոր գործիչ Արմեն Սմբատյանի և Հայաստանի վաստակավոր արտիստ Սերգեյ Սմբատյանի կողմից 10 տարվա վաղեմությամբ «ահասարսուռ խարդախությանը» մասնակից լինելու, 3 տարի արդեն քննվող վարույթով նրանց ձերբակալելու մասին դատախազության տարածած հաղորդագրությունից հետո բազմաթիվ զանգեր եմ ստանում լրագրողներից, ընկերներից, պարզապես սրտացավ անծանոթ քաղաքացիներից կատարվողը մեկնաբանելու խնդրանքով։ Սիրելի հայրենակիցներ, ես փաստաբան եմ, իրավաբան եմ, ես չեմ կարող մեկնաբանել ձեզ հրամցվող իրավական շիլափլավը։ Ես չգիտեմ ինչպես մեկնաբանել երևակայության բոլոր սահմաններն անցած «խարդախության» մասին չափածո ստեղծագործությունը, որտեղ անգամ իբր որպես վնաս հաշվարկված 166 միլիոն դրամը էկվիլիբրիստիկ հնարքով ներկայացվում է 966 միլիոն թվի տեսքով, հավանաբար ավելի ահասարսուռ տեսք տալու համար ստեղծագործությանը։ Ես չգիտեմ ինչպես մեկնաբանել հանցագործության հետ կապ չունեցող մի պատմություն, որին պաշտպանյալներս առհասարակ չեն առնչվել։ Ես չգիտեմ ինչպես մեկնաբանել Հայաստանին ամբողջ կյանքում ծառայած, Հայաստանի անունն ու համբավը բարձր պահած, ստեղծագործող տաղանդավոր մարդկանց հետապնդումը, այսօր ախշարհի բեմերում որպես Հայաստանի ներկայացուցիչ մեծ ներկա ու ապագա ունեցող ամենավառ փայլող աստղերից մեկի կարիերային ուղղված հարվածը, երբ անգամ չեմ պատկերացնում, թե ինչը կարող է լինել այս ամենի պատճառն ու իմաստը։ Այնուամենայնիվ հույս ունեմ, որ ցանկացած աբսուրդ ինչպես սկսվում է, այնպես էլ ավարտվում է։ Իրավական զինանոցում առկա բոլոր հնարավոր միջոցներով խնդիրը բարձրացվելու է հնարավոր բոլոր ատյաններում, վաղ թե ուշ արդարությունը վերականգնվելու է։ Աստված բոլորիս հետ, և թող յուրաքանչյուրս մեր գործածի դիմաց ստանանք համարժեքը։

Արմեն և Սերգեյ Սմբատյանների պաշտպան Երվանդ Վարոսյան

Comments


300965356_597408218522208_7167972625484843321_n.jpeg

Սերգեյ Սմբատյան

Հայաստանի սահմաններից դուրս Սերգեյ Սմբատյանի համբավը և բեղուն երաժշտական կարիերան սնվում են նրա աննկուն տեսլականով՝ երաժշտության, մշակույթի և մարդկանց հոգևոր հարստացման միջոցով աշխարհն ավելի լավը դարձնելը Սերգեյ Սմբատյանի ջանքերի շնորհիվ մի շարք ձեռքբերումներ են ունեցել Հայաստանի պետական սիմֆոնիկ նվագախումբը, որի հիմնադիրը, գեղարվեստական ղեկավարը և գլխավոր դիրիժորն է նա, ինչպես նաև Մալթայի ֆիլհարմոնիկ նվագախումբը, որը նա գլխավորում է 2019թ. սեպտեմբերից որպես գլխավոր դիրիժոր։

  • Facebook
  • Instagram
bottom of page